Proposta de leis da robótica

Os avances no campo da Intelixencia Artificial son indiscutibles e os expertos xa falan da cuarta revolución industrial na que as persoas poderían ser sustituídas por robots en certos empregos.
Por esta razón, a comisión de Asuntos Xurídicos do Parlamento Europeo insta á Unión Europea a redactar unhas normas de seguridade, éticas e legais para regular todos estes avances que se están logrando no ámbito da robótica e da intelixencia artificial.

As nove leis propostas recóllense no documento «European civil laws rules in robotics», e son as seguintes:

1. Protexer aos seres humanos dos danos causados por robots.
2. Respectar o rexeitamento da atención por parte dun robot.
3. Protexer a liberdade humana fronte aos robots.
4.  Protexer á humanidade contra as violacións da privacidade cometidas por un robot.
5. Xestión de datos persoais procesados por robots.
6. Protexer á humanidade contra o risco de manipulación por robots.
7.  Evitar a disolución dos vínculos sociais.
8. Igualdade de acceso ao progreso en robótica.
9. Restrinxir o acceso humano ás tecnoloxías de mellora.

Fontes: Artigo do ABC

Que é RSS?

Para saber máis fai clic aquí

Trátase dun formato de datos que serve para o envío de contidos a quen está rexistrado nun determinado sitio da internet. Esta estrutura permite que a distribución do contido teña lugar sen que sexa necesario valerse dun navegador, xa que a acción leva a cabo a través dun software (agregador) creado especialmente para ler esta clase de datos. 

Podemos comparar esta nova tecnoloxía coa acción de engadir un sitio a favoritos co fin de ter acceso a esta web con tan só un clic, máis empregada anteriormente.

Deixo un vídeo explicativo acerca dos lectores RSS:

Vantaxes de empregar RSS:

• Actualización instantánea e permanente.
• Acceso ás noticias ou información dunha determinada web sen ter que ir cara a ela desde o navegador.
• Seguimento daqueles sitios que visitamos asiduamente
• Aforro de tempo e diñeiro dunha forma didáctica e personalizada.  

Curación de contidos

A curación de contidos é a estratexia que busca e selecciona contidos de calidade, e con relevancia, dentro de Internet para distribuílos de maneira analítica e modificada. Consiste en recompilar, filtrar e compartir contidos de valor sobre un tema concreto.

Trátase de contidos que non son propios, se non de terceiras persoas ou empresas. O profesional responsable desta tarefa é o content curator e o seu criterio e selección manual é o que marca a estratexia de curación.

Ferramentas para a curación de contidos

Para realizar este traballo da forma máis óptima posible, podes axudarche de ferramentas de curación de contidos. A continuación cito algunha delas:

Buffer

 A mellor forma de empezar a utilizalo, é instalar a extensión no navegador, facendo que cada vez que navegues nunha páxina que che interesa, e que queres compartir cos teus seguidores, poidas facelo inmediatamente ou programala para o momento que elixas.

Flipboard

É coma unha revista personalizada, xa que a súa navegación é estilo magazine, o que favorece a lectura. Permíteche pasar páxinas para acceder a toda a información que queiras. Podes seleccionar o tipo de noticias que queres ver, as categorías e subcategorías, e ata seleccionar temáticas relacionadas para despois podelas compartir directamente nas túas redes sociais. 

Feedly

 É moi fácil de manexar, só tes que ir engadindo aqueles blogues ou webs que che interesen, e despois directamente irache mostrando día a día as publicacións que hai deses blogues. Podes organizarche o contido por cartafoles.

Presentación do blog

Boas, chámome Sheila e quero darvos a benvida ao meu primeiro blog. 

Son unha alumna da  materia de TICs de 2º de Bacharelato no IES Universidade Laboral (Culleredo) e neste blog vou tratar, da mellor maneira que podo, algúns aspectos que me parecen interesantes dentro do mundo das TICs. Así mesmo, tómome a licenza de falar do meu blog como un blog de carácter tecnolóxico; aínda que non excluio a posibilidade de redactar algún artigo de marca personal con algunha da miñas afeccións.

Espero que os contidos vos resulten atractivos e non teñades reparo en participar a través dos comentarios.

Un saúdo!